قومی آواز،

کینیڈین نیوز،17مئی ،2021

ٹورنٹو شہر میں ایٹو بکوک اور اسکاربورو کے علاقوں میں ہونے والے فائرنگ کے واقعات میں ایک شخص ہلاک اور چار زخمی ہو گئے ۔ پولیس کے مطابق اتوار کی شام فارمیسی ایونیو اور ڈوی ڈرائیو سے فائرنگ ہونے کی اطلاع موصول ہوئی تھی ۔ ۔ ۔ ۔ ۔ یہ خبریں آپ قومی آواز ٹورنٹو پر ملاحظہ فرما رہے ہیں ۔ ۔ ۔ ۔ ۔

جائے وقوعہ سے ایک شخص زخمی حالت میں ملا تھا جبکہ عینی شاہد کے مطابق یہ شخص دو گروہوں کے درمیان تصادم سے زخمی ہوا تھا ۔ دوسری جانب ایٹو بکوک کے علاقے میں ہونے والی فائرنگ میں ایک شخص کی ہلاکت کی اطلاع ہے جبکہ متعدد زخمی ہیں ۔ پولیس کا کہنا ہے کہ یہ فائرنگ گینگ وار کے لوگوں کے درمیان ہوئی ہے ۔ اس معاملے کی مزید تحقیقات جاری ہیں