Thursday, November 23, 2017 وزیر اعظم جسٹن ٹروڈو نے اعلان کیا ہے کہ کینیڈا بھر میں بے گھرلوگوں کو گھروں کی فراہمی کے لئے جلد سے جلد ایک لاکھ رہائشی یونٹ تعمیر کئے جائیں گے۔ اس پروگرام پر گیارہ بلین ڈالر سے زائد رقم خرچ کرنے کا منصوبہ ہے۔ یہ رقم پانچ لاکھ تیس ہزار سے زائد کم آمدنی والے لوگوں کو گھروں کی فراہمی پر خرچ کی جائے گی۔ اس قومی ہاﺅسنگ اسٹریٹجی کا اعلان وزیر اعظم نے ٹورنٹو کے قریب ایک تعمیراتی سائٹ کے دورے کے دوران کیا۔ انہوں نے کہا کہ اس پروگرام میں تین لاکھ یونٹوں کی مرمت کا کام بھی شامل ہے تاکہ گھروں کی فراہمی کے کام میں تیزی لائی جا سکے۔ اس پروجیکٹ سے گھروں کی کمی کی شرح میں پچاس فیصد سے زائد کمی لائی جا سکے گی۔ وزیر اعظم نے کہا کہ یہ منصوبہ وفاقی حکومت نے تیار کیا جس پر عملدرآمد بھی حکومت خود کرے گی تاہم صوبوں سے اس سلسلے میں تعاون مانگا گیا ہے۔
قومی آواز ۔
ٹورنٹو۔