قومی آواز ۔ ٹورنٹو ۔ نیو یارک ٹائمز میں شائع ہونے والی ایک رپورٹ کے مطابق داعش سے تعلق رکھنے والے ایک دہشت گرد جس کا نام ابو حذیفہ بتایا جاتا ہے کے مبینہ طور پر ٹورنٹو کے رہائشی ہونے پر ٹوریز نے حکومت پر سخت تنقید کی ہے اور حکومت سے مطالبہ کیا ہے کہ اس معاملے کی فوری تحقیقات کرائی جائے کہ داعش کا جنگجو آخر ٹورنٹو میں کیسے اور کب سے رہ رہا ہے۔نیو یارک ٹائمز میں شائع شدہ اسٹوری میں کہا گیا تھا کہ ابو حذیفہ مبینہ طور پر داعش کا ایک جنگجو ہے جس نے شام میں ہونے والی خانہ جنگی میں داعش کی طرف سے حصہ لے کر متعدد افراد کو ہلاک بھی کیا ۔ یہ خبریں آپ قومی آواز ٹورنٹوپر پڑھ رہے ھیں . خود ابو حذیفہ کا کہنا ہے کہ اس نے داعش کے کہنے پر کئی لوگو ں کو سر می گولی مار کر ہلاک کیا۔ جمعہ کو پارلیمنٹ میں وقفہ سوالات میں کنزرویٹیو پارٹی کے ارکان نے مطالبہ کیا کہ ا س بارے میں فوری تحقیقات کی جائیں اور اصل معاملے کو سامنے لایا جائے۔ دریں اثناءوزیر برائے پبلک سیفٹی رالف گوڈیل نے محتاط انداز میں اسمبلی کو بتایا کہ وہ اس بارے میں آگاہ ہیں اور سیکیورٹی وجوہات کی بناءپر زیادہ بات نہیں کر سکتے تاہم وہ اس معاملے کو دیکھ رہے ہیں۔ PHOTO CREDITS: CITY NEWS
Saturday May 12
