قومی آواز ۔ ٹورنٹو گلوبل افئیرز کینیڈا کی ایک اطلاع کے مطابق رشیا نے کینیڈا کے چار ڈپلومیٹس کو نا پسندیدہ شخصیات قرار دے کر ملک سے نکل جانے کا حکم دیا ہے ۔ وزیر خارجہ کرسشیا فریلینڈ کے مطابق چاروں افراد کے معاملات کا باریک بینی سے جائزہ لیا جا رہا ہے ۔یہ صورتحال اس وقت پیدا ہوئی جب کچھ عرصہ قبل کینیڈا نے رشیا کے چار ڈپلومیٹس کو ملک سے نکل جانے کا حکم دیا تھا۔ خارجی امور کے ماہرین کے مطابق لندن میں ایک رشین جاسوس اور اس کی بیٹی پر قاتلانہ حملے کا الزام مبینہ طور پر روسی حکومت پر لگایا جا رہا ہے جس کی وجہ سے اب تک متعدد یورپی ممالک سے کئی روسی ڈپلومیٹس کو نکالا جا چکا ہے جبکہ رشیا بھی اسی طرح کے اقدامات کر رہا ہے جس سے سیاسی کشیدگی میں اضافہ ہو رہا ہے۔
Sunday, April 01, 2018
