قومی آواز ۔ ٹورنٹو ٹورنٹو پولیس نے اعلان کیا ہے کہ وہ بم جون کم نامی ایک ایسے شخص کو تلاش کر رہے ہیں جس پر الزام ہے کہ اس نے کئی غیر ملکی طالبعلموں سے کم خر چ رہائش گاہ دلوانے کے بہانے سے کئی لاکھ ڈالر کا فراڈ کیا ہے ۔ پولیس کے مطابق فراڈ کے یہ معاملے ٹورنٹو کے علاوہ دیگر شہروں میں بھی پیش آئے ہیں جن میں یہی شخص ملوث ہے ۔سب سے زیادہ کیس برٹش کولمبیا میں ہوئے ہیں جہاں کم از کم چھ طلباءنے کم کے خلاف شکایت کی ہے کہ وہ ان سے ہزاروں ڈالر فراڈ کے زریعے لے کر فرار ہو گیا ہے ۔ان طلباءمیں کوریا اور جاپان کے طلباءشامل ہیں۔ کم رہائش گاہوں کے فراڈ کے علاوہ ایک چھوٹے بزنس میں بھی پچاس ہزارڈالر کے فراڈ میں ملوث ہے۔ پولیس اس کے ٹورنٹو اور کینیڈا بھر میں وارنٹ ایشو کرنے کا سوچ رہی ہے۔
28- اکتوبر ، 2017
