قومی آواز ٹورنٹو ۔ کینیڈا کی خفیہ ایجنسیوں نے فیصلہ کیا ہے کہ دہشت گردی کے واقعات کو روکنے اور دیگر سماج دشمن سرگرمیوں پر نظر رکھنے کے لئے شہریوں کے ٹیلی فون، ای میلز اور دیگر الیکٹرانکس رابطوں پر نگرانی مزید سخت کی جائے گی۔اٹاوا میں اس سلسلے میں ممبران اسمبلی کو بریفنگ دی گئی ۔بتایا گیا کہ اب نگرانی کا سلسلہ عام شہریوں تک وسیع کیا جائے گا تاکہ دہشت گردوں کے نیٹ ورک کا بر وقت توڑ کیا جا سکے۔ لائبریری آف پارلیمنٹ کی جانب سے جاری کئے جانے والے ایک ڈسکشن پیپر کے مطابق پارلیمنٹ میں بل سی 59پیش کر دیا گیا ہے جو خفیہ ایجنسیوں کو یہ اتھارٹی دے گا کہ وہ کسی بھی شہری کے ڈیٹا تک رسائی حاصل کر سکے۔جمعرات کو پولیس اور خفیہ ایجنسیوں کے نمائندے اس بل کے سلسلے میں قائم کی گئی کمیٹی کے سامنے پیش ہوئے۔لبرل حکومت نے عوام سے وعدہ کیا تھا کہ وہ دہشت گردوں سے موثر طور پر نمٹنے کے لئے قانون سازی کریں گے موجودہ قانون سازی اسی سلسلے کی ایک کڑی ہے۔کینیڈا کی سیکیورٹی انٹیلی جنس،کمیشن سیکیورٹی اسٹیبلشمنٹ اور دیگر بڑی خفیہ ایجنسیوںکو اب زیادہ اختیارات حاصل ہو جائیںگے کہ وہ شہریوں کے الیکٹرانک ڈیٹا تک رسائی حاصل کر سکیںگی۔
Friday, December 1, 2017
