اونٹاریو پولیس کے مطابق ایلیمنٹری اسکول سے تعلق رکھنے والا ایک تیرہ سالہ طالبعلم کھلونا پستول سے دیگر طلباءکو دھمکی دینے کے جرم میں حراست میں لیا گیا ہے ۔ تفصیلات کے مطابق
پولیس کو اطلاع ملی تھی کہ اسکول کے اندر صبح کے وقفے میں ایک طالبعلم دوسرے طالبعلموں کو پستول سے دھمکیاں دے رہا ہے۔اس اطلاع پر پولیس نے کاروائی کرتے ہوئے اسکول پہنچ کر مذکورہ طالبعلم کو حراست میں لے لیا۔ پولیس کے مطابق طالبعلم کے پاس سے ایک کھلونا پستول برآمد کیا گیا جسے وہ دھمکی دینے کے لئے استعمال کر رہا تھا۔ طالبعلم کو اگلے ماہ عدالت میں پیش کیا جائے گا۔