قومی آواز ۔ مسی ساگا پیل پولیس کے اعلامیے کے مطابق انہوںنے مسی ساگ ا سے ایک تیرہ سالہ لڑکے کو گرفتار کیا ہے جس کے بارے میں پولیس کا خیال ہے کہ اس نے اپنے سے بڑی عمر کی کئی عورتوں کے ساتھ زیادتی کا ارتکاب کیا ہے۔پولیس کے مطابق پہلا واقعہ آٹھ ستمبر کو دنداس اسٹریٹ اور ڈکسن روڈ کے قریب پیش آیا جس میںرات ساڑھے آٹھ بجے کے قریب ایک پینتالیس سالہ خاتون کو زیادتی کا نشانہ بنایا گیا۔اسی دن اسی علاوے میں مذکورہ وقوعہ سے کچھ دور کے فاصلے پر ایک بائیس سالہ خاتون کو اسی انداز میں زیادتی کا نشانہ بنایا گیاجو ایک بس اسٹاپ پر کھڑی تھیں۔ پولیس کا کہنا ہے کہ انہوں نے شہریوں کے تعاون اور دیگر زرائع سے کام لے کر مذکورہ لڑکے کو گرفتار کر لیا ہے تاہم یوتھ کرمنل جسٹس کی وجہ سے وہ اس کا نام ابھی ظاہر نہیں کر سکتے ۔
Thursday, October 26, 2017