سب دوست تھکنے لگے ہیں

قومی آواز

ساتھ ساتھ جو کھیلے تھے بچپن میں

وہ سب دوست اب تھکنے لگے ہیں

کسی کا پیٹ نکل آیا ہے

کسی کے بال پکنے لگے ہیں

سب پر بھاری ذمہ داری ہے

سب کوچھوٹی موٹی کوئ بیماری ہے

دن بھر جو بھاگتے دوڑتے تھے

وہ اب چلتے چلتے بھی رکنے لگے ہیں

اف کیا قیامت ہے

سب دوست تھکنے لگے ہیں

آنکھوں میں عجیب سی نمی ہے

کل جو پیار کے خط لکھتے تھے

آج بیمے کے فارم بھرنے میں لگے ہیں

اف کیا قیامت ہے

سب دوست تھکنے لگے ہیں

دیکھ کر پرانی تصویریں

آج جی بھر آتا ہے

کیا عجیب شے ہے یہ وقت بھی

کس طرح سے یہ گزر جاتا ہے

کل کا جوان دوست میرا

آج ادھیڑ نظرآتا ہے

کل کے خواب سجاتے تھے جو کبھی

آج گزرے دنوں میں کھونے لگے ہیں

اف  کیا قیامت ہےت

سب دوست تھکنے لگے ہیں


متعلقہ خبریں