قومی آواز ۔ اوٹاوا: کینیڈا کے وزیر اعظم جسٹن ٹرڈو کاکہناہے کہ عوام کو معلومات بہم پہنچانے سے حکومت بہتر ہوگی۔انہوںنے مزیدکہاکہ میراخیال ہے کہ وہی حکومت بہتر ہوتی ہے جواپنے عزائم کے بارے میںعوام کوآگاہ کرتی رہتی ہے۔لبرلز اس بارے میں باقاعدہ لائحہ عمل تیار کررہے ہیںتاکہ لوگوںکوزیادہ سے زیادہ معلومات بہم پہنچائی جاسکے کہ ہم ان کے بارے میںکیا سوچ رہے ہیں۔انہوںنے کہاکہ قانون نافذ کرنے والی ایجنسیاںمیڈیا کوبھی معلومات فراہم نہیںکرتی تاہم کبھی کبھار یہ ضروری ہوجاتا ہے۔انہوںنے کہا کہ ہم نے الیکشن مہم کے دوران یہ فیصلہ کیا تھاکہ لوگوںکو ہر قسم کے معاملات کی انفارمیشن فراہم کریں گے تاکہ وہ اندھیرے میں نا رہیں، ہم اس حوالے سے کام کررہے ہیں۔انہوں نے کہاکہ حکومت کی بہتر کارکردگی کی رپورٹس باقاعدہ عوام تک پہنچنی چاہئے تاکہ ان کو اپنے منتخب نمائندوںکے بارے میں آگہی ہو۔