امریکا 22 نومبر ، 2017 ویب ڈیسک امریکا نے اپنے شہریوں کے لیے وارننگ جاری کی ہے کہ سعودی عرب کے کئی شہروں پر دہشت گردوں کے حملے کےخطرات ہیں اس لیے امریکی شہری سفر کے حوالے سے احتیاط کریں۔ امریکی محکمہ خارجہ نے اپنے شہریوں کو جاری کی گئی وارننگ میں آگاہ کیا ہے کہ ریاض، جدہ اور ظہران سمیت تمام اہم سعودی شہروں پر حملوں کے خطرات ہیں۔ امریکی محکمہ خارجہ کے مطابق شہری سعودی عرب میں سفر کے دوران خطرات کو پیش نظر رکھیں۔ امریکی محکمہ خارجہ کا یہ بھی کہنا ہے کہ یہ حملے کہیں بھی اور کسی بھی وقت کیے جاسکتے ہیں۔
قومی آوز ۔
واشنگٹن
سعودی عرب پر دہشتگرد حملوں کا خطرہ ہے، امریکا
