قومی آواز ۔ ٹورنٹو اونٹاریو پی سی پارٹی کے لیڈر ڈگ فورڈ نے ببانگ دہل اعلان کیا ہے کہ وہ منتخب ہونے کے بعد ہائیڈرو ون کے سربراہ مایو شمٹ کو فارغ کر دیں گے۔ انہوں نے نہ صرف سربراہ ہائیڈرو ون بلکہ ان کے پورے اسٹاف کو نکالنے کی دھمکی بھی دی۔ انہوں نے مایو اوران کے اسٹاف پر الزام لگایا کہ یہ لوگ لاکھوں کما رہے ہیں جبکہ شہریوں کو بڑھے ہوئے بل موصول ہو رہے ہیں۔ جمعرات کو ڈگ فور ڈ نے پریس کانفرنس سے خطاب کرتے ہوئے تیز و تند لہجے میں ہائیڈرو الیکٹرک پر خوب تابڑ توڑ حملے کئے تاہم انرجی ماہر ٹوڈ اسمتھ کا کہنا ہے کہ ڈگ فورڈ بورڈ اور اس کے اسٹاف کے کاموں سے واقف نہیں ہیں اور نہ ہی انہیں ہائیڈرو ون کی کارکردگی کا کچھ پتہ ہے۔
Saturday, April 14, 2018