قومی آواز ۔ ٹورنٹو پیل ڈسٹرکٹ اسکول بورڈ کی جانب سے اعلان کیا گیا ہے کہ بورڈ سے متعلقہ اسکولوں میں طلباءکو نسلی منافرت کا نشانہ بنائے جانے کے مسائل سے نمٹنے کے لئے ایک ہنگامی پروگرام تیار کیا گیا ہے جس کے مطابق اسکولوں کے تمام ٹیچرز اور دوسرے عملے کو نسلی اور ثقافتی تعصب سے نمٹنے کے لئے ٹریننگ دی جائے گی۔ یہ پروگرام مختلف اسکولوں میں نسلی منافرت کے واقعات کے سامنے آنے کے بعد آیا ہے جن میں سیاہ فام طالبعلموں نے شکایت کی تھی کہ ان کے ساتھ اسکولوں میں متعصبانہ سلوک روا رکھا جا رہا ہے۔ پیل اسکول بورڈ کی ایسو سی ایٹ ڈائریکٹر پاﺅلین گریوال کہتی ہیں کہ اسکولوں میں سیا ہ فاموں کے خلاف سلوک کو ختم کرنے کے لئے اینٹی بلیک راشیل پروگرام شروع کرنے کا فیصلہ کیا گیا ہے ۔توقع ہے کہ اس کے بعد صورتحال بہتر ہو جائے گی۔
Tuesday, October 24, 2017
