قومی آواز :اسلام آباد رضا باقر کو تین سال کے لیے گورنر اسٹیٹ بینک تعینات کیا گیا ہے وزارت خزانہ کی جانب سے جاری اعلامیے کے مطابق صدر پاکستان نے ڈاکٹر رضا باقر کو تین سال کی مدت کے لیے گورنر اسٹیٹ بینک تعینات کر دیا ہے اور ان کی مدت ملازمت اس وقت شروع ہوگی جس تاریخ کو وہ عہدہ سنبھالیں گے۔
گورنر اسٹیٹ بینک اور چیئرمین ایف بی آر کو عہدوں سے ہٹادیا گیا ہارورڈ اور بیکر لے یونیورسٹیوں سے تعلیم یافتہ ڈاکٹر رضا باقر 2000 سے آئی ایم ایف کے ساتھ منسلک تھے اور ابھی بطور سینئر ریزیڈنٹ ریپریسنڈیٹیٹو مصر خدمات انجام دے رہے تھے۔ اس کے علاوہ ڈاکٹر رضا باقر آئی ایم ایف مشن رومانیا اور عالمی مالیاتی ادارے کے ڈیپٹ پالیسی ڈویژن کے سربراہ کے طور پر بھی فرائض انجام دے چکے ہیں۔ احمد مجتبیٰ چیئرمین ایف بی آر تعینات وفاقی حکومت نے احمد مجتبیٰ میمن کو چیئرمین فیڈرل بورڈ آف ریوینیو تعینات کرنے کی منظوری بھی دیدی ہے۔
احمد مجتیٰ میمن کی تعیناتی کا باقاعدہ نوٹیفکیشن بھی جلد جاری کر دیا جائے گا۔ مجتبیٰ میمن کا تعلق پاکستان کسٹمز سروس سے ہے اور وہ ابھی بطور ایڈیشنل سیکریٹری فنانس ڈویژن خدمات انجام دے رہے تھے۔ خیال رہے کہ گزشتہ روز گورنر اسٹیٹ بینک طارق باجوہ اور چیئرمین ایف بی آر جہانزیب خان سے استعفیٰ لے لیا گیا تھا
قومی خبریں،5مئی،2019
وفاقی حکومت نے عالمی مالیاتی ادارے (آئی ایم ایف) کے سابق عہدیدار رضا باقر کو گورنر اسٹیٹ بینک تعینات کر دیا۔
