April 04, 2017 آئل کنٹریکٹرز ایسو سی ایشن کی3 روزہ ہڑتال کے سبب کراچی کے 20 فیصد پمپس پر پیٹرول ختم جبکہ بقیہ پمپس پر عوام کا رش ہے۔ آئل ٹینکرز ٹرانسپورٹرز کی خدمات پر سیلز ٹیکس کے حوالے سے آئل ٹینکرز مالکان اور حکومت میں اختلافات پہلے بھی ہڑتال کا سبب بنے تھے لیکن معاملہ 2 سال میں بھی حل نہ ہو سکا ، اب اس کا اثر کراچی میں دیکھاجا رہا ہے۔ لوگ پیٹرول پمپس کا رخ کر رہے ہیں، لیکن عملہ پیٹرول نہ ہونے کا اشارہ کر رہا ہے۔ پیٹرولیم ڈیلرز ایسو سی ایشن کے مطابق وقت گزرنے کے ساتھ قلت بڑھے گی ۔ ماہرین کا کہنا ہے کہ عوام خوف کا شکار ہو کر زائدخریداری سے پرہیز کریں کیونکہ آج معاملہ کے حل کے لیے حکومت اور ایسو سی ایشن کے درمیا ن مذاکرات میں حل نکلنے کا قوی امکان موجود ہے۔
قومی آوازکراچی: کراچی میں پیٹرول بحران سے شہریوں کو پریشانی کا سامنا ہے،شہریوں نے ڈبوں اور بوتلوں میں پیٹرول خریدنا شروع کردیا،کل تک بحران مزیدسنگین ہونےکا خدشہ ہے۔